50 min dolları kimlər qazandı?

“Baku Open 2013” beynəlxalq şahmat festivalı başa çatıb. Azərbaycan Şahmat Federasiyasından Lent.az-a verilən məlumata görə, Gənclər və İdman Nazirliyinin və sözügedən federasiyanın müstəqillik gününə həsr olunan festivalda A və B qruplarında ölkəmizlə yanaşı 19 ölkədən 224 şahmatçı (32 beynəlxalq qrossmeyster, 28 beynəlxalq usta və 9 FİDE ustası )qələbə uğurunda mübarizə aparıb.

A (güclülər) turnirində qalib adını aktivinə 7 xal yazan Rusiya şahmatçısı Pavel Smirnov qazanıb. Belarusiyalı Sergey Zhiqalko və Rusiya şahmatçısı Aleksey Dreev 6.5 xal toplayaraq 2-3-cü yerləri bölüşdürüblər. Qadınlar arasında isə ən yaxşı nəticəni həmyerlimiz Nərmin Kazımova və İran şahmatçısı Atousa Pourkaşiyan (4.5 xal) göstəriblər.

B qrupunda isə Fariz Əhmədov(Yevlax) və Elxan Bayramov (Bakı) 8 xal toplayaraq 1-2-ci yerləri bölüşdürüblər. Əlavə göstəricilərə görə Fariz Əhmədov 1-ci yerin sahibi olub.

Qeyd edək ki, festivalının ümumi mükafat fondu 50 000 ABŞ dolları təşkil edib.