Kiyevin “Dinamo” klubunun heyətində 1981-ci ildə SSRİ çempionu və 1982-ci ildə SSRİ Kubokunun qalibi, 1979-cu il dünya çempionatının gümüş mükafatçısı, tanınmış ukraynalı futbolçu Yaroslav Dumanski vəfat edib.
Lent.az-ın Ukrayna mediasına istinadla verdiyi xəbərə görə, onun ölüm səbəbi açıqlanmır.
Onun aprel ayının sonlarında İvano-Frankovda itkin düşdüyü bildirilir. Bununla bağlı polisə anası məlumat vermişdi.
Sonradan məlumat yayılıb ki, Dumanski tapılıb.
Əlavə edək ki, Dumanski karyerası ərzində “Karpatı”, “Metallist” və Moskva “Dinamo”sunda da çıxış edib.
61 yaşlı Dumanskinin maddi problemləri səbəbindən onun İvano-Frankovda taksi sürücüsü işlədiyi bildirilir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
