“Atletiko”nun baş məşqçisi Dieqo Simeone bu mövsümün sonunda istefa verəcək.
Lent.az bildirir ki, xarici mətbuatın yazdığına görə, bu il argentinalı üçün komandanın sükanı arxasında sonuncu olacaq.
Xatırladaq ki, Simeone 2011-ci ildə “Atletiko”ya keçib. 11 il ərzində Madrid klubu onun rəhbərliyi altında iki dəfə İspaniya çempionu olub, ölkə kubokunu və Superkubokunu, eləcə də Avropa Liqasını qazanıb.
Madridlilər iki dəfə əsas Avropa turnirinin - Çempionlar Liqasının finalına yüksəlib, lakin hər iki cəhd onlara titul gətirməyib.
Bu mövsüm 16 turdan sonra “Atletiko” 27 xalla İspaniya La Liqasının turnir cədvəlində 5-ci yerdədir. Komanda son görüşdə evdə “Barselona”ya 0:1 hesabı ilə uduzub. Çempionlar Liqasında Simeonenin yetirmələri öz qruplarında sonuncu yeri tutaraq, avrokuboklarda çıxışlarını başa vurublar.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
