“Real” Mbappeni alsa, 1 milyard qazanacaq – NECƏ?

İyulun 20-də “El Debate” nəşri xəbər verir ki, “Real” PSJ-nin hücumçusu Kilian Mbappeni təkcə heyəti gücləndirmək üçün deyil, həm də maddi mənfəət üçün almaq istəyir.

Lent.az bildirir ki, mənbənin sözlərinə görə, 24 yaşlı fransalı hücumçu ilə 6 illik razılaşmaya görə “Kral klubu” 1 milyard avro qazana bilər.

“Mbappenin “Real”a keçidi Çempionlar Liqasında növbəti kvant sıçrayışı və klub üçün görünməmiş iqtisadi irəliləyiş demək olacaq. Mbappe adını daşıyan bütün növ məhsulların satışı yeni rekordlar müəyyənləşdirəcək. Hazırkı “Real” sponsorlarının hamısı təkliflərini artırmalı olacaqlar, çünki rəqiblər gəlib bazarda qiymətləri qaldıracaqlar. Yenilənmiş “Santiago Bernabeu”nun sponsorluğunu unutmayın. İlkin hesablamalar Mbappenin “Real”a keçidinin kluba 1 milyard avro gəlir gətirəcəyini proqnozlaşdırır. Bu rəqəm komandanın Kilian ilə qazandığı titullardan asılı olaraq artırıla bilər”, - yazıda vurğulanır.

Xatırladaq ki, Kilian Mbappe "Real"a keçməyə yaxındır. Daha əvvəl bildirilirdi ki, hücumçu PSJ ilə müqaviləni yeniləməsə və yay transfer pəncərəsinə getməkdən imtina etsə, bütün 2023/24 mövsümünü ehtiyat oyunçular arasında keçirə bilər.