Onlardan heç biri "Qızıl top"u qazana bilməyəcək: Kardaşyanla əlaqələrə görə

Amerika şou-biznesinin ulduzu bir neçə gün fərqlə oyunçularla görüntülənib.

Kim iyulun 4-də milyarder Maykl Rubin üçün keçirilən tədbirdə Mbappe ilə əylənərkən çəkilib.

Lent.az-ın xarici mediaya istinadla məlumatına görə, onlar NFL əfsanəsi Tom Bredi və aktyor Leonardo DiKaprio kimi məşhurların yanında əyləncədən həzz alıblar.

Bir neçə gün sonra isə Kardaşyan Dolce & Gabbana tədbirində iştirak edib, burada Haalandla şəkil çəkdirib - hər ikisi moda şirkətinin səfirləridir.

Azarkeşlər indi Kardaşyanın lənətinin həm Mbappe, həm də Haaland təsir edə biləcəyindən qorxurlar, çünki onun qarşılaşdığı komandalara və oyunçulara uğursuzluq gətirdiyinə görə reputasiyası var. Budur bəzi son nümunələr.

Kardaşyan ötən mart ayında oğlu Sent Uestlə birlikdə “Emirates”də Avropa Liqası oyununda iştirak edib. Nəticə - "Arsenal" bu qarşılaşmada "Sportinq"ə uduzaraq turniri tərk edib.

Cəmi bir neçə gün sonra Kim və oğlu “Park de Prens”də “Renn” ilə PSJ oyununa qatılıb. Nəticədə parislilər 0:2 hesabı ilə məğlub olub.

Deyəsən, Kilian və Erlinq həqiqətən də bu gözəldən uzaq durmalıdırlar.