"Müqavilə hazır idi" - Laporta yenidən Messidən DANIŞDI

Messinin transfer dastanı argentinalının "İnter Mayami"yə transferi ilə başa çatıb. Jurnalistlər Leonu Səudiyyə Ərəbistanına və ya “Barselona”ya göndərirdilər, lakin hücumçu çoxlarını təəccübləndirməyi bacardı - indi o, MLS-də oynayacaq.

Lent.az-ın xarici mediaya istinadla xəbərinə görə, “Barselona” azarkeşləri əfsanəni Kataloniyanın paytaxtında gözləyirdilər, lakin bu dönüş baş vermədi. İndi klub və onun prezidenti azarkeşlər qarşısında cavab verməlidir.

Laporta yenidən Lionelin uğursuz transferindən danışıb:

“Messi ilə yaxşı münasibətimiz var, lakin Leo “İnter Mayami”yə keçmək qərarından sonra onunla danışmamışıq. Ona ən yaxşısını arzulayırıq. Leoya dedik ki, liqadan icazə alan kimi onunla müqavilə bağlayacağıq. Bir müddət keçdi, müqavilə hazır idi, lakin Xorxe Messi gəldi və Leonun “İnter Mayami” ilə müqavilə imzalamağa qərar verdiyini söylədi.

O, çox təzyiq altında olduğu Parisdə çox çətin mövsümlər keçirdi. Leo qərara gəldi ki, Mayamidə daha sakitləşəcək və milli komanda haqqında düşünə biləcək. Leo “Barsa”ya qayıtmaq istəyirdi, amma yenidən təzyiqə məruz qalmaq istəmədi. Bunu başa düşdük. Bununla belə, “Barsa” həmişə onun evi olacaq”.