“Mançester Yunayted” hücumçu Meyson Qrinvudla bağlı daxili araşdırmanı mövsümün sonuna qədər başa çatdırmağa ümid edir.
Lent.az xarici KİV-ə istinadən bildirir ki, futbolçu yaya qədər meydana daxil olmayacaq.
Qrinvud ötən ilin yanvarında təcavüzə və hücuma cəhddə ittiham olunub. Bu yaxınlarda prokurorluq Qrinvuda bəraət qazandırıb və ona qarşı bütün ittihamları ləğv edib. Bundan sonra “Mançester Yunayted” məhkəmənin qərarını nəzərə aldığını, lakin öz araşdırmasına başladığını açıqlayıb.
Xatırladaq ki, ittihamlar irəli sürüləndən dərhal sonra “Mançester Yunayted” Qrinvudu komandadan qovmuş, sponsor “Nike” isə hücumçu ilə əməkdaşlığa son qoyduğunu elan etmişdi. Futbolçu 2022-ci ilin oktyabrında məhkəmə qarşısına çıxıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
