Futbolun əfsanələrindən dünya çempionatı PROQNOZLARI: Arsen Vengerdən sürpriz açıqlama

Futbolun əfsanələri Arsen Venger, Kaka, Con Terri və Ruud Qullit 2022-ci ildə Qətərdə keçiriləcək dünya çempionatı öncəsi turnirlə bağlı fikirlərini bildiriblər.

Lent.az xarici mediaya istinadla bildirir ki, əfsanəvi adlar turnirin bombardiri ilə bağlı proqnozlar, turnirin sürprizləri və komandalardan gözləntiləri ilə bağlı açıqlamalar verib.

Dünya çempionatında gözlənilən həyəcan gəlib çatıb. Noyabrın 20-də başlayacaq və dekabrın 18-də final fiti ilə başa çatacaq dünya çempionatında 32 ölkə dünyanın ən yaxşısı olmaq üçün mübarizə aparacaq.

Londonun “Arsenal” klubunun fransalı keçmiş baş məşqçisi Arsen Venger dünya çempionatında ölkəsini bir addım öndə gördüyünü bildirib: “Beynəlxalq səviyyədə hesab edirəm ki, hazırda son dördlükdə olmaq stabildir və Braziliya çox güclü komanda ilə geri dönəcək. Ümumiyyətlə, deyə bilərəm ki, Argentina xüsusi maraq doğuracaq, çünki bu, Messi üçün son şansdır”.

Venger: “Danimarka sürpriz komanda ola bilər”

Danimarkadan sürpriz gözlədiyini bildirən Arsen Venger deyib: "Çuameni kimi oyunçu dünya çempionatında perspektivli və önəmli oyunçu ola bilər. Danimarka sürpriz komanda ola bilər. Çünki hazırda Millətlər Liqasında stabildirlər. Onlar Fransanı iki dəfə məğlub etdi, Avropada əla idilər.

Eriksenin əsas oyunçulardan biri olmasını görmək futbol üçün də əla olardı. Bu cür uğur futbolçunun ehtirasını, xarakterinin gücünü, keyfiyyətini mükafatlandırardı. Mən şəxsən onun dünya çempionatının ən vacib oyunçularından biri olmasını arzulayıram”.

Kaka: "Braziliyalı futbolçular dünya çempionatının nə demək olduğunu çox yaxşı bilirlər"

Ölkəsi Braziliyanı favorit görən Kaka bunları deyib: "Dünya çempionatı digərlərindən tamamilə fərqli turnirdir. Hətta Çempionlar Liqası və digər hər şeydən də. Dünya çempionatında göstərdiyiniz təzyiq digərlərindən tamamilə fərqlidir. Ona görə də. bu gənc oyunçular bu cür təzyiqin öhdəsindən necə gələcəklərini bilmirəm.

Bu, həqiqətən gözəldir, çünki bu meydan oxuma hər bir ölkə üçün keçərlidir. Düşünürəm ki, Braziliya favoritlərdən biridir və onlar dünya çempionatını qazanmağa hazırdırlar. Braziliyada bir çox oyunçu artıq dünya çempionatında oynamağın nə olduğunu, dünya çempionatını itirməyin nə olduğunu, dünya çempionatını qazanmaq üçün nə etməli olduğunu bilir”.

“Serbiya mundialın sürprizi ola bilər”

Serbiyanın oyun tərzinin bəzi şeyləri dəyişdirə biləcəyini bildirən Kaka deyib: "Qrup mərhələsində Braziliya ilə qarşılaşan Serbiya bu mundialın sürprizi ola bilər. Məncə, bu, oyun tərzinə görə deyil, çünki komanda olmaları və digər amillərlə”.

Con Terri: "İngiltərənin turnirə necə başlayacağı məni narahat edir"

İngiltərənin əfsanəvi futbolçularından biri olan Con Terri ölkəsinin dünya çempionatındakı çıxışı haqda bunları deyib: "Altı oyun əvvəl əslində İngiltərəni deyərdim. Son həftələrdə və son aylarda o qədər də yaxşı oynamadıq, ona görə də mən turnirə necə başlayacağımızla bağlı bir az narahatam. Kuboku qazanacaq 4, ya da 5 komanda var və siz burada olduğunuzda həmişə sürpriz bir komanda da ola bilər. Ümid edirəm ki, İngiltərə o sürpriz komanda ola bilər."

Terri Fil Fodendən sürpriz gözlədiyini də vurğulayıb: "Düşünürəm ki, bu, Fil Foden ola bilər. Bilirəm ki, o, ən yaxşı oyunçudur və ona çox hörmət edirlər. Bu, onun üçün böyük bir turnir ola bilər."

Qullit: "Ümid edirəm ki, Hollandiya yarımfinala çıxacaq"

Gullit isə hollandiyalı bir futbolçunun ona sürpriz etməsini istədiyini vurğulayaraq, "Bir hollandiyalının sürpriz oyunçu olmasını çox istərdim. Frenk de Jonqun sürpriz oyunçu olmasını çox istərdim.

Məncə, Hollandiya 2014-cü ildə Braziliyaya keçirilən dünya çempionatında sürpriz bir komanda olub, inşallah, eynisini edərlər. "ümid edirəm ki, yarımfinala yüksələcəklər. Bu, Hollandiya üçün böyük bir müvəffəqiyyət olacaq", - deyib.

"İspaniyanın qalib gəlmək şansı yüksəkdir"

İspaniyanın kuboku qazana biləcəyini vurğulayan Qullit deyib: "Yaxşı oynayırlar və yaxşı oyunçuları var. Hazırda konkret hücumçuları yoxdur, o əskikdir. Hücumçuları var, amma lazım olan formada deyillər. Bununla belə, düşünürəm ki, İspaniya dünya çempionatını qazanma ehtimalı yüksək olan komandadır." .

Ən çox qol vuracaq namizədlər: "Mbappe, Harri Keyn və Neymar"

Əfsanələrin 2022-ci il dünya çempionatı üçün bombardirlərlə bağlı proqnozlarını təqdim edirik:

Venger: "Mbappe və Harri Keynin ilk üçlükdə olacağını gözləyirəm. Mbappe 4 il əvvəl ən çox qol vuran oyunçulardan biri idi və indi daha təcrübəlidir. O, hələ çox gəncdir. O, güclü komandada oynayır. Harri Keyn də. Düşünürəm ki, ümumi üçülkdə ikisi bu ola bilər”.

Kaka: "Düşünürəm ki, Mbappe mundialın bombardiri ola bilər. Mbappeni bəyənirəm, ona görə də düşünürəm ki, o, bombardir ola bilər. Təbii ki, Braziliyanı dəstəkləyəcəyəm.

Düşünürəm ki, Braziliya favoritdir. Ümid edirəm və gözləyirəm ki, Neymar dünya çempionatında öz izini qoyacaq. Ancaq düşünürəm ki, çox yaxşı səviyyədəki Fransa komandası Mbappenin bombardir olması üçün əla fürsətdir”.

Terri: "Harri Keyni demək istərdim. Çünki Harri qol vurursa, bu, İngiltərənin yaxşı formada olması deməkdir. Harri Keyn qrupa baxıb və rəqiblərə hörmətsizlik etmədən “biz irəli getməliyik.Mən burada bir neçə qol vurub yaxşı başlanğıc etməliyəm”, - deməlidir.

Bu, onu yaxşı mənada təhrik edə və düşünürəm ki, bu, onun son dünya çempionatı da ola bilər. Buna görə də o, komandasını qrupdan çıxarmaq və daha yüksək pillələrə doğru irəliləməsini istəyəcək. Ona görə də ona uğurlar arzulayıram”.

Qullit: "Düşünürəm ki, Neymar özünü göstərmək istəyir. Məncə, nə qədər yaxşı olduğunu göstərmək istəyir. Jesus "Arsenal"la çox yaxşı oyununu keçirir. Məncə, onlar bombardirlər ola biləcək oyunçulardır."