Fransanın "Monako" klubunun hücumçusu Vissam Ben Yedder cinsi təcavüzdə ittiham olunur.
Lent.az xəbər verir ki, bu barədə “France Info” məlumat yayıb.
Nəşrin məlumatına görə, 19 və 20 yaşlı iki qız futbolçunu və başqa bir kişini cinsi əlaqəyə məcbur etməkdə ittiham edib.
Qeyd olunur ki, bu, iyulun 10-da Monako yaxınlığında baş verib. İkinci şübhəlinin Ben Yedderin qardaşı olduğu güman edilir. Hər iki şübhəli hələ də nəzarətə götürülməyib.
Ben Yedder ötən mövsüm 32 liqa oyununda iştirak edib, 19 qol vurub və 6 məhsuldar ötürmə edib. 32 yaşlı futbolçunun bazar dəyəri 15 milyon avro qiymətləndirilir.Onun "Monako" ilə müqaviləsi 2024-cü ilin yayına kimi nəzərdə tutulub.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
