FHN-in İdman-sağlamlıq klubunun əməkdaşı qızıl medala layiq görülüb.
FHN-dən Lent.az-a verilən məlumata görə, 7-9 may 2021-ci ildə Bolqarıstanın paytaxtı Sofiya şəhərində parataekvondo üzrə Avropa təsnifat turniri keçirilib. 15 ölkənin iştirakı və 25-dən çox idmançının mübarizə apardığı yarışda iştirak edən FHN-in İdman-sağlamlıq klubunun əməkdaşı, 2 qat Dünya, 4 qat Avropa çempionu, prezident mükafatçısı parataekvondoçu Aynur Məmmədova yüksək nəticə göstərərək +58 kq çəki dərəcəsində bütün döyüşlərdə qalib gələrək yarışın qızıl medalına layiq görülüb. Gərgin keçən final döyüşündə idmançımız rəqibini qızıl xalla məğlub edib.
İdmançımız avqustun 24-dən sentyabrın 5-dək Yaponiyanın paytaxtı Tokioda baş tutacaq Yay Paralimpiya Oyunlarında iştirak hüququna yiyələnib.
21 may 2021-ci ildə FHN-in İdman-sağlamlıq klubunun rəisi polkovnik Füzuli Musayev idmançını qəbul edərək, onu qazandığı naliyyətə görə təbrik edib və idmançıya qiymətli hədiyyə təqdim olunub.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
