“Bayer Leverkusen”in 21 yaşlı hücumameyilli yarımmüdafiəçisi Florian Virtz 120 milyon avroya İngiltərənin “Mançester Siti” klubuna keçmək istəyir.
Lent.az xarici mediaya istinadla bildirir ki, almaniyalı yarımmüdafiəçi “vətəndaşlar”la müqaviləsi başa çatan belçikalı Kevin De Bruyneni əvəzləmək istəyir. Futbolçu daha əvvəl müqavilə bağlamaq üçün favorit sayılan “Real Madrid” və “Bavariya”nın start heyətində oynamaq imkanını görmədiyi üçün ingilis klubuna keçməyə üstünlük verir.
Bu mövsüm Virtz klub və milli komandanın heyətində bütün yarışlarda 23 oyunda iştirak edib, 10 qol vurub və üç məhsuldar ötürmə edib. Transfermarkt portalında verilən məlumata görə, futbolçunun bazar dəyəri 130 milyon avrodur.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
