Fransanın “Marsel” klubunun hücumçusu Pyer-Emerik Obameyanq Avropa Liqasında Ukrayna “Şaxtyor”u ilə oyunda turnir tarixinin ən məhsuldar hücumçusu olub.
Lent.az-ın xarici mediaya istinadən məlumatına görə, qabonlu bu göstəricidə Radamel Falkaonu ötüb.
Əlavə edək ki, Obameyanqın qolu komandasına Avropa Liqasının 1/8 final mərhələsinin Marseldə (Fransa) keçirilən oyununda hesabı bərabərləşdirməyə kömək edib. İndi hücumçunun 31, Falkaonun isə 30 qolu var.
Qeyd edək ki, kolumbiyalı 2009/2010 mövsümündə 30 qol həddinə çatıb.
Bundan əlavə, Obameyanq ardıcıl ikinci görüşdə "Şaxtyor"a qol vurub. Bu komandalar arasında ilk oyun Hamburqda (Almaniya) neytral meydanda keçirilib və 2:2 hesabı ilə heç-heçə başa çatıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
