Millimizin sabiq futbolçusu Almaniya klubuna keçdi

Azərbaycan millisinin sabiq futbolçusu Toğrul Erat klubunu dəyişib.

Apasport.az saytının məlumatına görə, 28 yaşlı cinah oyunçusu Almaniyaya qayıdıb.

O, Regional Liqanın Qərb zonasında qərarlaşan "Rot-Vays" klubuna transfer olunub. Türkiyənin TFF III liqa təmsilçisi "Bayrampaşa" ilə yollarını ayıran Erat yeni komandası ilə 1 illik müqavilə imzalayıb.

Oberhauzen təmsilçisinin idman direktoru Patrik Bauder bu transferin komandanı gücləndirəcəyini açıqlayıb: "Toğrulun gəlişi kollektivə əlavə ruh yüksəkliyi olacaq. O, gənc oyunçularımıza meydanda yol göstərən təcrübəlilərdən olacaq".

Qeyd edək ki, Toğrul Erat 2014-2015-ci illərdə Azərbaycan millisinin heyətində 3 oyun keçirib.