Kriştianu Ronaldo 41 yaşında olmasına baxmayaraq, hələ də Portuqaliya millisinin əsas oyunçularından biri hesab olunur. Bir çox azarkeş onun əvvəlki illərdəki kimi təsirli olub-olmadığını müzakirə etsə də, statistik göstəricilər veteran futbolçunun yüksək səviyyədə çıxış etdiyini göstərir.
Lent.az xarici mediaya istinadən xəbər verir ki, Ronaldo son mövsümdə klub səviyyəsində məhsuldar oyun nümayiş etdirib və Portuqaliya millisinin dünya çempionatının seçmə mərhələsində ən önəmli futbolçularından biri olub. Təcrübəli hücumçu həlledici qollar vurmaq qabiliyyətini qoruyub saxlayır.
Bununla belə, onun meydandakı rolu əvvəlki illərlə müqayisədə dəyişib. Ronaldo artıq sürətə əsaslanan cinah oyunçusu deyil. O, daha çox cərimə meydançasında təhlükə yaradan, düzgün mövqe seçimi və bitiriciliyi ilə seçilən hücumçu kimi çıxış edir.
Portuqaliya millisinin hazırkı heyətində Bruno Fernandeş, Vitinya və Rafael Leau kimi gənc və yaradıcı futbolçuların olması Ronaldonun üzərindəki yükü azaldır. Bu da ona daha səmərəli oynamaq imkanı verir.
Bütün bunlara baxmayaraq, Ronaldo hələ də rəqib müdafiəçilər üçün ciddi təhlükə olaraq qalır. Onun təcrübəsi, liderlik keyfiyyətləri və böyük turnirlərdəki çıxışı Portuqaliya üçün mühüm üstünlüklərdən hesab olunur.
2026-cı il dünya çempionatı Ronaldonun karyerasındakı altıncı mundial olacaq. Portuqaliyalı ulduz bu turnirdə həm yeni rekordlar qırmağa, həm də karyerasında çatışmayan yeganə böyük kubok olan dünya çempionluğunu qazanmağa çalışacaq.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
