“Qalatasaray” Arda Turanla müqaviləni uzatdı
28 oktyabr 2010 11:00 (UTC +04:00)

“Qalatasaray” Arda Turanla müqaviləni uzatdı

Lent.az-ın “Milliyet” qəzetinə istinadən verdiyi məlumata görə, gizli həyata keçirilən anlaşmadan sonra müvafiq bildiriş Türkiyə Futbol Federasiyasına göndərilib.

Yeni sövdələşməyə əsasən, “sarı-qırmızılar”ın 23 yaşlı kapitanı 1 iyun 2012-ci ildən etibarən bir il ərzində 3,2 milyon avro alacaq. Bununla da istedadlı yarımmüdafiəçi Elano ilə birgə komandanın ən çox qazanan futbolçuları olacaq. Digər tərəfdən, “Qalatasaray” rəhbərliyi ulduz futbolçusunun ilyarımdan sonra komandadan ayrılma ehtimalını aradan qaldırıb və Avropa klublarından gələn təkliflərin qarşılığında daha ciddi şərtlər irəli sürmək imkanı əldə edib.

Qeyd edək ki, ötən il Arda Turanın 1 milyon avroluq əmək haqqı 2 dəfə qaldırılmışdı.
# 512

Oxşar yazılar