Nazim Süleymanov: “Almaniyanın da qanını qaraldarıq”
15 oktyabr 2010 15:31 (UTC +04:00)

Nazim Süleymanov: “Almaniyanın da qanını qaraldarıq”

Lent.az-ın məlumatına görə, veteran futbolçu “Moskovskiy Komsomolets”ə müsahibəsində millimizin gözlənilməz qələbəsinin səbəbini açıqlayıb.

Onun fikrincə, oktyabrın 12-də keçirilmiş 2012-ci il Avropa çempionatının seçmə qrup matçında yığmamız Türkiyədən fərqli olaraq, çox yaxşı oyun sərgiləyib: “Rəqib bizi layiqincə qiymətləndirmədi. Bu səbəbdən, “ay-ulduzlular”ı cəzalandırdıq. Hələ Türkiyənin bəxti gətirdi ki, biz cəmi 1:0 hesabı ilə qalib gəldik. Hesab 3:0 da ola bilərdi. Son zamanlar çoxlu söz-söhbət gəzirdi ki, yığmamızın baş məşqçisi Berti Foqtsu qovacaqlar. Lakin fikrimcə, bu qələbə ona postunda qalmaqda kömək edəcək”.

Süleymanov Türkiyə və Azərbaycan yığmalarının A qrupundakı perspektivinə də toxunub. 45 yaşlı mütəxəssis “ay-ulduzlular”ın hələ xallar qazanacağını, Avstriya və Belçika ilə 2-ci yer uğrunda mübarizə aparacağını bildirib: “Azərbaycan millisi isə qrupda 3-cü yeri də tuta bilməyəcək. Çünki hələ yetişməyiblər. İndi bizə lazım olan reytinq xalları qazanmaqdır ki, növbəti seçmə mərhələlərin püşkatma mərasimləri üçün bölgüdə nisbətən güclü komandaların yer aldığı səbətə düşək. Öz meydançamızda Türkiyəyə qarşı oynadığımız kimi çıxış etsək, hətta Almaniyanın da qanını qaraldarıq”.
# 543

Oxşar yazılar