FİFA Nigeriyanı cəzalandırdı

FİFA Nigeriya Milli Futbol Federasiyasını diskvalifikasiya edib.

Lent.az-ın BBC-yə istinadən verdiyi məlumata görə, buna səbəb Nigeriya dövlətinin ölkənin Milli Futbol Federasiyasının işinə müdaxilə etməsi olub.

Başqa sözlə, Nigeriya məhkəməsi Milli Futbol Federasiyasının seçilmiş rəhbərliyinin öz səlahiyyətlərini icra etməsinə qadağa qoyub.

FİFA diskvalifikasiya qərarını ləğv edənə qədər Nigeriya milli yığması və komandaları beynəlxalq yarışlarda iştirak edə bilməyəcəklər.