Aliyə Qarayeva general olmaq istəyir

Lent.az-ın məlumatına görə, bu fikirləri “Ves Sport” agentliyinə açıqlamasında Azərbaycan bədii gimnastı Aliyə Qarayeva deyib.

Rusiya paytaxtında davam edən dünya çempionatında halqa ilə hərəkətlərdə bürünc medal qazanmış Qarayeva özü üçün Moskvanın çoxdan ikinci ev olduğunu bildirib: “Burada mənim valideynlərim yaşayır, atam işləyir, çoxlu dostlarım var. Buna görə də Moskvada çıxış etmək Bakıda mübarizə aparmaq kimi bir şeydir. Hazırkı dünya çempionatında hər şey – azarkeşlərin reaksiyası, yerləşdirilmə, qidalanma mənim xoşuma gəlir”.

Gimnastımız rusiyalıları nə vaxt yenəcəyi ilə bağlı sualı da cavablandırıb: “Əlbəttə, pis əsgər - general olmağı arzulamayandır. Amma Rusiya bədii gimnastikada keçilməz liderdir. Hələ Rusiyaya çatmağımız üçün çox var. Dünya çempionatı öncəsi Viner məni rusiyalı gimnastların əsas rəqiblərindən biri adlandırıb. Bunu eşitmək çox xoşdur. Lakin mən özüm haqda belə fikirdə deyiləm. Hazırkı dünya çempionatında 3-cü yer uğrunda mübarizə aparmalıyam. Əgər Yevgeniya Kanayeva və Darya Kondakovaya nəsə olsa, ikinci yerə iddia edə bilərəm. Amma bundan artığına yox”.