Azərbaycan prezidenti: “Bu, böyük qələbədir”
15 sentyabr 2012 10:58 (UTC +04:00)

Azərbaycan prezidenti: “Bu, böyük qələbədir”

Sentyabrın 14-də Azərbaycan prezidenti İlham Əliyev XIV London Paralimpiya Oyunlarında ölkəmizi təmsil etmiş idmançıları və onların məşqçilərini qəbul edib. Lent.az-ın AzərTAc-a istinadən verdiyi məlumata görə, idmançıları təbrik edən ölkə başçısı bildirib ki, bizim paralimpiyaçılarımız Azərbaycan bayrağını yüksəklərə qaldırıblar: “Bu, böyük qələbədir, böyük nailiyyətdir. Bizim komandamız 21 idmançı ilə təmsil olunub. İdmançılarımız medallar qazanıblar, toplam 12 medal. Elə idmançımız da var ki, bir neçə medal qazanıb. Bu da hesab edirəm ki, çox gözəl nəticədir, çox böyük qələbədir. Bizim komanda 27-ci yerdədir. Dörd qızıl, beş gümüş, üç bürünc medalımız vardır. Bu, doğrudan da böyük və tarixi qələbədir”.

Prezident İlham Əliyev qeyd edib ki, paralimpiyaçılarımız artıq bir neçə dəfədir ki, Paralimpiya Oyunlarında iştirak edirlər. Ancaq ən böyük qələbə məhz London oyunlarında qazanılıb.

“Azərbaycan idman dövlətidir. Artıq mən bu barədə bir neçə dəfə fikirlərimi bildirmişəm. Həyat və sizin uğurlarınız bu sözləri bir daha təsdiqləyir. Çünki həm Olimpiya, həm Paralimpiya oyunlarında idmançılarımız şərəflə çıxış ediblər. Dünya miqyasında yüksək pilləyə qalxmaq çox böyük nəticədir. Hər bir qələbə, hər bir uğur ölkəmizi daha da ucaldır. Bu, əlbəttə ki, sizin qələbənizdir, idmançıların, onların məşqçilərinin, idman mütəxəssislərinin uğurudur. Ancaq bununla bərabər, bütün xalqımızın, dövlətimizin uğurudur”-deyə, dövlət başçısı əlavə edib.
Prezident onu da bildirib ki, dörd qızıl, beş gümüş, üç bürünc medal, 27-ci yerdə olmaq böyük şərəfdir: “Uğurlarımızın təməlində məhz dövlət siyasəti dayanır. Bizdə çox gözəl gənc nəsil yetişir. Baxın, Olimpiya Oyunlarından sonra güləş üzrə dünya çempionatında gənclərimiz birinci yerə çıxdılar. Yeniyetmələr arasında birinci Olimpiya Oyunlarında cavanlarımız 11-ci yerə nail ola biliblər”.
Daha sonra prezident İlham Əliyev mükafatları təqdim edib.
İkiqat paralimpiya çempionu İlham Zəkiyev, London Paralimpiyasının qalibi Ramin İbrahimov, Məşqçi Ağanağı Cəfərov qayğı və diqqətə görə ölkə başçısını minnətdarlıqlarını bildiriblər. Prezident İlham Əliyev Ramin İbrahimovun əlini havaya qaldırıb.
1 2 3 4 5 İDMAN XƏBƏRLƏRİ
# 3521

Oxşar yazılar

Dünyanın  ən yaxşı   10 gənc futbolçusu - SİYAHI

Dünyanın ən yaxşı 10 gənc futbolçusu - SİYAHI

4 aprel 2025 , 19:47
Kevin De Bruyne "Mançester Siti"dən  gedəcəyini   AÇIQLADI

Kevin De Bruyne "Mançester Siti"dən gedəcəyini AÇIQLADI

4 aprel 2025 , 18:59
"Qəbələ" yenidən Premyer Liqada

"Qəbələ" yenidən Premyer Liqada

4 aprel 2025 , 18:41
“Fənərbaxça”da Sergen Yalçın  səsləri

“Fənərbaxça”da Sergen Yalçın səsləri

4 aprel 2025 , 16:47
Müharibədə 470  ukraynalı idmançı   həlak olub

Müharibədə 470 ukraynalı idmançı həlak olub

4 aprel 2025 , 15:51
"Real" "Mançester Siti"nin əsas oyunçusunu  alır

"Real" "Mançester Siti"nin əsas oyunçusunu alır

4 aprel 2025 , 09:37
“Beşiktaş”   kubokla vidalaşdı

“Beşiktaş” kubokla vidalaşdı

4 aprel 2025 , 02:54
Əfsanəvi Buffon müasir  ən yaxşı 5 qapıçının   adını AÇIQLADI

Əfsanəvi Buffon müasir ən yaxşı 5 qapıçının adını AÇIQLADI

3 aprel 2025 , 19:09