Rusiyanın Sverdlovsk vilayətində Yeni ilin qeyd olunmasından sonra faciə baş verib. Evdə sobanı yandırmaq cəhdi iri yanğınla nəticələnib və uşaqların ölümü ilə yekunlaşıb.
Lent.az yerli mediaya istinadla bildirir ki, ilkin məlumata görə, 17 yaşlı yeniyetmə sobanın içinə tezalışan maye töküb. Alovlanma bir anda baş verib. Yanğın sürətlə evi bürüdüyü üçün içəridə olanlar xilas olmağa vaxt tapmayıblar.
Alınan yanıq xəsarətləri nəticəsində iki məktəbli — 14 və 12 yaşlı uşaqlar həyatını itirib. Daha üç yeniyetmə ağır termiki xəsarətlərlə təcili şəkildə tibb müəssisəsinə çatdırılıb, onların vəziyyəti ağır kimi qiymətləndirilir.
Yanğın söndürülsə də, ev yararsız hala düşüb.
Hadisə faktı üzrə cinayət işi başlanıb. İstintaq orqanları baş verənlərin bütün hallarını araşdırır.
Bizi Telegram-da izləyin
t.me/lent_az
Bizi Instagram-da izləyin
Bizi TikTok-da izləyin
Bizi Facebook-da izləyin
Bizi X-da izləyin
