Bakıda universitet müəllimləri faciəvi şəkildə öldü - YENİLƏNİB

Bakıda iki nəfər dəm qazından boğularaq ölüb. Yasamal rayon Polis İdarəsindən Lent.az-a verilən məlumata görə, Hüseyn Cavid prospektində yerləşən mənzildə 1939-cu il təvəllüdlü Xudaverdiyeva Həqiqət Mustafa qızı və onun həyat yoldaşı 1940-cı il təvəllüdlü Babayev Nizami Ələkbər oğlu dəm qazından boğularaq ölüb. universitetinin müəllimidir.

Hər iki şəxs Tibb Universitetinin müəllimi olub.

Faktla bağlı araşdırmalar aparılır.

*****

05.02.2014 / 21:03

Yasamalda mənzildə iki meyit aşkarlanıb

Yasamalda yaşayış binasındakı mənzildə 2 nəfərin meyiti aşkarlanıb.

Lent.az-ınn Fövqəladə Hallar Nazirliyinin (FHN) saytına istindən məlumatına görə, meyitlərin bağlı qapı arxasında köməksiz vəziyyətdə qaldıqları bildirilib.

FHN-nin uyğun xilasetmə qüvvələri hadisə yerinə cəlb olunub. Həmin şəxslər mənzilin qapısının dəfələrlə döyülməsinə və telefon zənglərinə reaksiya vermədiyindən xilasedicilər xüsusi alət və avadanlıqlarla beşmərtəbəli yaşayış binasının ikinci mərtəbəsində yerləşən mənzilə eyvandan daxil olub.

Mənzilə baxış keçirilərkən 1939-cu il təvəllüdlü Xudaverdiyeva Həqiqət Mustafa qızı və 1940-cı il təvəllüdlü Babayev Nizami Ələkbər oğlu hərəkətsiz vəziyyətdə aşkarlanıb. Hadisə yerinə çağırılmış Təcili Tibbi Yardım Stansiyasının həkimləri tərəfindən aparılan ilkin müayinə nəticəsində H.Xudaverdiyevanın və N.Babayevin vəfat etdiyi müəyyən olunub.

Qeyd olunan şəxslərin cəsədləri xilasedicilər tərəfindən aidiyyəti üzrə təhvil verilib.