Xaçmazda yanğın: ev sahibi yanaraq öldü - YENİLƏNİB
16 oktyabr 2013 13:20 (UTC +04:00)

Xaçmazda yanğın: ev sahibi yanaraq öldü - YENİLƏNİB

Xaçmaz rayonunda yaşayış evi yanıb. Hadisə rayonun Niyazabad kəndində qeydə alınıb. APA-nın şimal bürosunun verdiyi məlumata görə, kənd sakini, 1939-cu il təvəllüdlü Aleksandr Romanenkoya məxsus 2 mərtəbəli yaşayış evi yanıb. Yanğın zamanı evdə tək olan ev sahibi də yanaraq ölüb.

 

Yanğının söndürülməsinə Xaçmaz Dövlət Yanğından Mühafizə Hissəsinin 2 yanğınsöndürən maşını cəlb olunub. Yanğının daha geniş əraziyə yayılmasının qarşısı alınıb. Həyətdə olan “VAZ 2106” markalı avtomaşın yanğından mühafizə olunub.

 

Yanğının səbəblərini müəyyənləşdirmək üçün araşdırma aparılır. 

 

# 1038
avatar

Oxşar yazılar