Xaçmazda meşədə başlayan yanğın söndürüldü - YENİLƏNİB

Xaçmaz rayonunda meşə massivində başlayan yanğın söndürülüb.

APA-nın şimal bürosunun məlumatına görə,hadisə yerinə cəlb olunan Xaçmaz Dövlət Yanğından Mühafizə Hissəsinin yanğınsöndürən maşını və canlı qüvvəsi alovu söndürüb, daha geniş əraziyə yayılmasının qarşısını alıb.

***

17:31

Xaçmaz rayonunda meşə massivində yanğın başlayıb.

APA-nın yerli bürosunun məlumatına görə, hadisə rayonun Mərəcan kəndi ərazisində təxminən 500 kvadratlıq meşə massivində qeydə alınıb. Yanğının söndürülməsi üçün Xaçmaz Dövlət Yanğından Mühafizə Hissəsinin yanğınsöndürən maşını və canlı qüvvəsi cəlb olunub.

Alovun söndürülməsi istiqamətində işlər davam etdirilir.