Tovuzda məktəblini maşın vurdu
29 oktyabr 2015 22:58 (UTC +04:00)

Tovuzda məktəblini maşın vurdu

Tovuzda piyadanın vurulması ilə nəticələnən yol nəqliyyat qəzası baş verib. APA-nın qərb bürosunun verdiyi məlumata görə hadisə Bakı-Qazax magistral yolunun Tovuz rayonun Əyyublu kəndi ərazisində qeydə alınıb. Rayonun Düz Qırıqlı kənd sakini, 2001-ci il təvəllüdlü Mürsəl Məmmədov hazırlıqdan qayıdan zaman yolu keçmək istəyərkən Şəmkir rayon Dəllər qəsəbə sakini, Arzu Əliyevin idarə etdiyi “VAZ21011” markalı avtomobil tərəfindən vurulub. Yaralı dərhal Tovuz Mərkəzi rayon xəstəxanasına yerləşdirilib. Onun vəziyyətinin orta ağır olduğu bildirilir.

 

Faktla bağlı Baş Dövlət Yol Polisi İdarəsində araşdırma aparılır.

# 181
avatar

Oxşar yazılar