Göyçay rayonunda yol qəzası baş verib.
APA-nın xəbərinə görə, hadisə martın 31-də saat 17:00 radələrində Bakı-Şamaxı-Yevlax yolunun Göyçay rayonunun Qaraməryəm kəndindən keçən hissəsində qeydə alınıb.
57 BO 020 dövlət nömrə nişanlı, “KamAZ” markalı avtomobil 23 BS 806 dövlət nömrə nişanlı, VAZ-21011 markalı maşın toqquşub. Toqquşmanın zərbəsindən hər iki maşın yol kənarında fəaliyyət göstərən, Əfqan Qasımova məxsus restorana girib.
Nəticədə VAZ-21011 markalı minik maşını və restoranın bir hissəsi tamamilə yararsız hala düşüb. Hadisə nəticəsində VAZ-21011 markalı maşının adı hələlik məlum olmayan sürücüsü xəsarət alıb.
Faktla bağlı Baş Dövlət Yol Polisinin İstintaq və Təhqiqat şöbəsində araşdırma aparılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
