Avtoyuma məntəqəsində yanğın

Şirvan şəhərində yanğın olub. Lent.az Fövqəladə Hallar Nazirliyinə istinadən xəbər verir ki, ümumi sahəsi 22 kv.m olan 1 otaq və dəmir konstruksiyalardan ibarət mətbəxin içərisinə yığılmış 1 ədəd soyuducu, kondisioner və stol-stul 11 kv.m sahədə yanıb. Mətbəxin qalan hissəsi yanğından mühafizə olunub. Yanğın saat 08:30-da yanğınsöndürənlər tərəfindən söndürülüb.

Oxşar hadisə Bakı şəhəri, Xətai rayonunda da baş verib. Vətəndaşa məxsus ümumi sahəsi 60 kv.m olan avtoyuma məntəqəsində 10 kv.m sahəyə yığılmış 1 ədəd yataq dəsti və geyim paltarları yanıb. Avtoyuma məntəqəsinin qalan hissəsi yanğından mühafizə olunub. Yanğın saat 08:46-da yanğınsöndürənlər tərəfindən söndürülüb.