Ramil Usubov deputatın rəis oğlunu işdən çıxardı

Daxili İşlər naziri Ramil Usubov daha bir rəisi işdən çıxarıb.

Lent.az aznews.az-a istinadən xəbər verir ki, nazirin əmriylə Yasamal rayon Yol Polis şöbəsinin rəisi, polkovnik-leytenant Elşad Məmmədov tutduğu vəzifədən azad edilərək, sərəncama götürülüb.

Elşad Məmmədov deputat Elman Məmmədovun oğludur. O, 1993-cü ildən yol polisində çalışır.

Deputat Elman Məmmədov xəbəri təsdiqləyib. O, azvision.az-a açıqlamasında deyib ki, oğlu işdən öz ərizəsi ilə çıxıb: "Oğlum öz ərizəsi ilə işdən çıxıb. Hazırda sərəncama götürülüb. Ola bilsin ki, yaxın vaxtlarda yeni işlə təmin olunsun".