Lənkəranda iki “Mercedes” markalı mikroavbusub toqquşub. Lent.az-ın Daxili İşlər Nazirliyinin mətbuat xidmətinə istinadən məlumatına görə, martın 23-də saat 12 radələrində Girdəni kəndində Boladi kənd sakini Samir Abdullayevin və şəhər sakini Kazım Əzizovun idarə etdikləri “Mercedes” markalı mikroavtobuslar toqquşub.
Nəticədə K.Əzizovun 10 sərnişini xəstəxanaya yerləşdirilib. Onlardan 2-nin vəziyyəti qənaətbəxş olub, digərlərinə isə ilkin tibbi yardım göstərildikdən sonra buraxılıblar.
Faktla bağlı araşdırma aparılır.