Kürdəmirdə soyğunçuluq: <span style="color:red;">balta ilə mağazaya hücum etdi, pulları apardı   - <span style="color:red;">FOTO
11 oktyabr 2014 17:20 (UTC +04:00)

Kürdəmirdə soyğunçuluq: balta ilə mağazaya hücum etdi, pulları apardı - FOTO

Kürdəmir rayonunda mağazadan soyğunçuluq edən şəxs  saxlanılıb. APA-nın yerli bürosunun xəbərinə görə, hadisə rayonun Heydər Əliyev prospektində yerləşən ərzaq mağazasında qeydə alınıb. Rayonun Xırdapay kənd sakini Sərxan Əhmədov ona məxsus mağazaya naməlum şəxsin balta ilə hücum edərək soyğunçuluq etməsi barədə Kürdəmir rayon Polis Şöbəsinə ərizə ilə müraciət edib. Dükan sahibinin sözlərinə görə, naməlum  şəxs balta ilə mağazanın işçilərinə hədə-qorxu gələrək kassada olan pulları götürərək qaçıb. Hadisə  ilə bağlı polis əməkdaşları tərəfindən dərhal əməliyyat-axtarış işləri həyata keçirilib. Hadisəni törətməkdə  şübhəli bilinən Kürdəmir sakini Xəqani Allahyarov tutularaq istintaqa təhvil verilib. Saxlanılan şəxs  əməllərini etiraf  edib. Xəqani Allahyarovun əvvəllər də məhkumluq həyatı yaşadığı  bildirilir. Faktla  bağlı Kürdəmir rayon Polis Şöbəsi tərəfindən cinayət işi açılıb, araşdırma aparılır.

 
# 1206
avatar

Oxşar yazılar