Azərbaycanda 48 otaqlı ev yandı: yaralanan var

Göyçay rayonunda güclü yanğın olub. Vətəndaşa məxsus ümumi sahəsi 1890 kv.m olan 2 mərtəbəli, 48 mənzildən ibarət yaşayış binasının dam örtüyünün yanar konstruksiyaları 60 kv.m və 2-ci mərtəbədə yaşayan digər vətəndaşa məxsus şəxsə məxsus ümumi sahəsi 40 kv.m olan mənzilin 1 otağının yanar konstruksiyaları 12 kv.m sahədə yanıb.

Lent.az-ın Fövqəladə Hallar Nazirliyinə istinadən verdiyi məlumata görə, yanğın zamanı ev sahibəsi qismən yanıq xəsarətləri alaraq yanğınsöndürənlər tərəfindən təcili tibbi yardım xidmətinə təhvil verilib. Hadiə vaxtı 30 nəfər bina sakini yanğınsöndürənlər tərəfindən təxliyyə edilib. Yaşayış binasının qalan hissəsi və mənzillər yanğından mühafizə olunub. Yanğın saat 00:05-də söndürülüb.

Hadisənin səbəbi araşdırılır.