Gəncədən Bakıya yarışa gələn idmançılar qəzaya düşüb, xəsarət alanlar var - FOTO - YENİLƏNİB

Yevlaxda qəzaya düşən cüdoçular evə buraxılıb.

ONA-nın Mingəçevir bürosunun məlumatına görə, avtoqəza nəticəsində xəsarət alan yaralıların vəziyyəti hazırda qənaətbəxşdir.

Xəstəxanadan bildirilib ki, İlyas İlyaslı, Təranə Paşayeva və Polad Niyazlının müalicəsi ev şəraitində davam etdiriləcək..

23:54

Yevlaxda baş vermiş yol qəzasında idmançılar xəsarət alıb. Hadisə zamanı "MAZ" markalı yük maşını və "Mercedes" markalı mikroavtobus toqquşub.

ONA-ın Mingəçevir bürosunun məlumatına görə, Bakı-Qazax magistral yolunun Yevlax şəhəri ərazisindən keçən hissəsində baş vermiş avtoqəza nəticəsində 3 nəfər müxtəlif dərəcəli bədən xəsarətləri alıb.

Xəsarət alan 1991-ci il təvəllüdlü Ramiz İlyaslı, 1963-cü il təvəllüdlü Təranə Paşayeva və 2006-cı il təvəllüdlü Polad Niyazlı xəstəxanaya yerləşdirilib.

Qeyd edək ki, mikroavtobusda xəsarət alanlar Bakıya yarışa gedən cüdoçu Gəncə sakinləridir.

Faktla bağlı araşdırma aparılır.