Bakının mərkəzi rayonlarında termometr partlayıb

Bu gecə Fövqəladə Hallar Nazirliyinin “112” qaynar telefon xəttinə Bakı şəhəri, Səbail rayonunda mənzildə termometr sınması barədə müraciət daxil olub. lent.az nazirliyin saytına istinadən xəbər verir ki, hadisə nəticəsində qurğunun daxilindəki civə ətrafa dağılıb. Maye halında olan kimyəvi element nazirliyin Mülki-Müdafiə Qoşunlarının mütəxəssisləri tərəfindən müvafiq qaydada yığılıb və çirklənmiş ərazi demerkurizasiya edilib. Əməliyyat saat 01:45-də başa çatıb.

Oxşar hadisə Nərimanov rayonunda fərdi yaşayış evində də qeydə alınıb. Termometrin sınması nəticəsində onun daxilindəki civə ətrafa dağılıb. Maye halında olan kimyəvi element FHN-in mütəxəssisləri tərəfindən yığılıb və ərazi demerkurizasiya edilib.