Bakıdakı avtobus qəzasından sarsıdıcı görüntülər

Mart 18-i saat 06:19-da Xəzər rayonu Türkan qəsəbəsindən Xaşaxana bağlarına gedən avtomobil yolunda ağır yol-nəqliyyat qəzası baş verib. Lent.az-ın məlumatına görə, hadisə barədə məlumat daxil olan kimi Fövqəladə Hallar Nazirliyinin Xüsusi Riskli Xilasetmə Xidmətinin Suraxanı rayonu və Mərdəkan qəsəbəsi üzrə xilasedicilər qrupu hadisə yerinə çıxıb. Hadisə yerinə baxış keçirilərkən məlum olub ki, 1984-cü il təvəllüdlü Hüseynov Elşən Məmmədyar oğlunun idarə etdiyi “Mercedes” markalı “20 CH 329” dövlət nömrə nişanlı minik avtomobili ilə 1955-ci il təvəllüdlü Cəbrayılov Məhəbbət Novruz oğlunun idarə etdiyi “Daewoo” markalı “10 TE 337” dövlət nömrə nişanlı avtomobillər toqquşub. Nəticədə avtomobillər ağır deformasiyaya uğrayıb.

Avtomobillərin deformasiyası nəticəsində “Mercedes” markalı avtomobilinin sürücüsü sıxılmış vəziyyətdə qalıb və çıxmaq iqtidarında olmayıb. Xilasedicilər təhlükəsizlik qaydalarına riayət etməklə xüsusi xilasetmə alət və avadanlıqlar vasitəsilə sürücünü çıxardıb, hadisə yerinə çağırılmış Təcili Tibbi Yardım Stansiyasının əməkdaşlarına təhvil verərək xilas olunmasını təmin ediblər.