Bakıda və Lənkəranda avtomobil yandı

Bakıda yük avtomobili yanıb. Lent.az Fövqəladə Hallar Nazirliyinə istinadən xəbər verir ki, Qaradağ rayonunda "FAW CA" yük avtomobilinin yanar hissələri yanıb. Ərazidəki elektrik dirəkləri yanğından mühafizə olunubr. Yanğın saat 09:40-da yanğınsöndürənlər tərəfindən söndürülüb.

Oxşar hadisə Lənkəran rayonunda da baş verib. Minik avtomobilinin yol kənarındakı ağaca çırpılması nəticəsində yanğın başlayıb.

Yanğın nəticəsində avtomobilin mühərrik hissəsi və salonunda qabaq oturacaqlar yanıb. Avtomobilinin qalan hissəsi yanğından mühafizə olunub. Yanğın saat 10:20-də yanğınsöndürənlər tərəfindən söndürülüb.