Bakıda 23 yaşlı qız 15 yaşlı oğlanla birgə yaxalandı

Bakıda silsilə oğurluq edən şəxslər saxlanılıb. Bakı şəhər Baş Polis İdarəsindən Lent.az-a verilən məlumata görə, Nərimanov RPİ 16-cı PB və Çevik Polis Alayı əməkdaşlarının keçirdiyi əməliyyat-axtarış tədbirləri nəticəsində, fevralın 5-də gecə saatlarında Yevlax rayon sakini 2001-ci il təvəlldülü İsa Bəkirov, Ağsu rayon sakinləri, əvəllər məhkum olunmuşlar - 1992-ci il təvəllüdlü Türkan Kərimova və 2000-ci il təvəllüdlü Əli Bədəlov, Bakı şəhər sakini Samir Əhmədova məxsus Azadlıq prospektində yerləşən mağazadan qapını sındırmaqla oğurluğa cəhd edərkən tutulub.

Şübhəli şəxslər ətrafında keçirilən araşdırmalarla müəyyən olunub ki, onlar fevralın 3-də N.Nərimanov küçəsində gecə saatlarında Bakı şəhər sakini Natiq Kərimova məxsus aptekin qapı kilidini sındırmaqla 18 manat və dərman preparatları, fevralın 4-də saat 03:40 radələrində, Bakı şəhər sakini Xəyal Fərzəliyevə məxsus Azadlıq prospekti yerləşən Optika mağazasından 1 ədəd eynəyi gizli yolla talayıb.