Bakıda polislə gənclər arasında kütləvi dava: qan töküldü
29 iyul 2013 10:16 (UTC +04:00)

Bakıda polislə gənclər arasında kütləvi dava: qan töküldü

İyulun 28-də saat 18 radələrində Bakıda bir qrup gənc polisə müqavimət göstərib. Nərimanov rayon Polis İdarəsindən Lent.az-a verilən məlumata görə, Nərimanov parkında 1992-ci il təvəllüdlü İsmayılov Elşən Cəfər oğlu və 1990-cı il təvəllüdlü Xaçipur Şəhriyar Münasib oğlu xuliqanlıq hərəkətləri ediblər və parkda dondurma satan Nəcəfov Kamal Kazım oğlunu döyüblər. Nərimanov RPİ Post Patrul bölüyünün 5 əməkdaşı hadisə yerinə gələrək gəncləri intizama dəvət ediblər. Lakin bu zaman tərəflər arasında dava-dalaş düşüb. X.Şəhriyar üzərindəki bıçaqla polislərə hücum edib və polis serjantı Paşayev Abasət Yusif oğlunu bıçaqlayıb.

 

Hər iki şəxs yaxalanaraq polis idarəsinə gətirilib. Faktla əlaqədar araşdırmalar davam etdirilir.

# 7276
avatar

Nizam Rza

Oxşar yazılar