Bakıda intihar cəhdinin qarşısı alınıb

Bakıda intihar cəhdinin qarşısı alınıb. Lent.az-ın Fövqəladə Hallar Nazirliyinin rəsmi saytına istinadən məlumatına görə, bu gün nazirliyə Sabunçu rayonunda bir nəfərin beşmərtəbəli binanın 2-ci mərtəbəsinin eyvanına çıxaraq intihara cəhd etməsi baradə məlumat daxil olub.

Hadisə yerinə cəlb edilmiş Fövqəladə Hallar Nazirliyinin müvafiq xilasetmə qüvvələri vətəndaşla psixoloji söhbət apararaq onu fikrindən daşındırıblar və intihara cəhdin qarşısını alıblar.