Bakıda gecə klubunda polislərin qanını tökdülər -YENİLƏNİB

Bakıda gecə klubunda baş verən kütləvi dava ilə əlaqədar ikisi tələbə olmaqla, dörd nəfər tutulub. Səbail Rayon Polis İdarəsindən APA-ya verilən məlumata görə, keçirilən əməliyyat - axtarış tədbirləri nəticəsində hadisədə şübhəli bilinənlər, Bakı şəhər sakinləri, Anadolu Universitetinin 3-cü kurs tələbəsi, 1990-cı il təvəllüdlü Mahmud Yusif oğlu Qurbanlı, Azərbaycan Dövlət Bədən Tərbiyə Akademiyasının Boks fakültəsinin 4-cü kurs tələbəsi, 1993-cü il təvəllüdlü Ramiq Tofiq oğlu Ələsgərov, 1991-ci il təvəllüdlü Vasif Dindar oğlu Musayev və 1985-ci il təvəllüdlü Firat Qurban oğlu Qurbanov saxlanılıblar.

****

10:37

Bakının mərkəzində yerləşən gecə klubunda kütləvi dava olub.Lent.az-ın məlumatına görə, gecə saat 03:40 radələrində , Yasamal Rayon Polis İdarəsinin 27-ci polis bölməsinin təhqiqatçısı, polis leytenantı 1990-cı il təvəllüdlü Hadıyev Nicat Nizaməddin oğlu bud, Nizami RPİ-nin kiçik əməliyyat müvəkkili, 1990-cı il təvəllüdlü Həsənov Tural Əliməmməd oğlu bud və qarın və 1989-cu il təvəllüdlü Xalid Məmmədov qarın nahiyəsindən aldığı ağır bıçaq xəsarətləri ilə xəstəxanaya yerləşdirilib.

Məlum olub ki, hər üç şəxs Mikayıl Müşfiq küçəsi 4 ünvanında yerləşən “502” gecə klubunda baş vermiş kütləvi dava-dalaş zamanı bıçaqlanıb.

Hadisənin digər iştirakçıları 1993-cü il təvəllüdlü Qurbanlı Mahmud Yusif oğlu , 1991-ci il təvəllüdlü Musayev Vasif İlqar oğlu , 1985-ci il təvəllüdlü Qurbanov Firat Qurban oğlu və 1990-cı il təvəllüdlü Ələsgərov Ramin Tofiq oğlu müəyyənləşdirilib.

Faktla bağlı Səbail RPİ-də cinayət işi açılıb.