Bakıda qadını qətlə yetirmiş şəxs tutulub. Lent.az-ın Daxili İşlər Nazirliyinin mətbuat xidmətinə istinadən verdiyi məlumata görə, Nəsimi RPİ əməkdaşlarının keçirdikləri əməliyyat-axtarış tədbirləri nəticəsində oktyabrın 24-də Nigar Sadıxovanı qətlə yetirmiş Lənkəran şəhər sakini Ramil Sadıqov tutulub.
Qeyd edək ki, 48 yaşlı Nigar Saxıqovanın meyiti oktyabrın 24-də saat 19:40 radələrində S. Rəhimov küçəsi ev 169, mənzil 1 ünvanında tapılıb. Bu barədə ilk olaraq polisə qadının həyat yoldaşı bildirib. Meyitin üzərinə baxış keçirilərkən onun naməlum şəxs və ya şəxslər tərəfindən başına küt (kərki) alət ilə vurularaq öldürüldüyü məlum olub. Mənzildən 26000 manat və 5100 ABŞ dolları pul götürülüb.
N. Sadıxova biznes fəaliyyəti ilə məşğul olurmuş.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
