Zaqatalada 30 nəfəri it dişləyib

Zaqatalada son bir həftə ərazində 30-a yaxın şəxsi it dişləyib. APA TV-nin məlumatına görə, bu gün səhər saatlarında rayonun Faldar kənd sakini, 2016-cı il təvəllüdlü İnci İsmət qızı Abdullayeva, Beretbinə kənd sakini, 1969-cu il təvəllüdlü Kahay Şaban qızı Aslanova, Yuxarı Tala kənd sakini, 2007-ci il təvəllüdlü Ramazan Ruslan oğlu Məmmədov, Kebeloba kənd sakini, 2006-cı il təvəllüdlü Həbulla Şamil oğlu Canqayev, Çobankol kənd sakini, 2005-ci il təvəllüdlü Əfsanə Asif qızı Mustafayeva it dişləməsi xəsarətləri ilə Zaqatala Mərkəzi Rayon Xəstəxanasına (MRX) müraciət ediblər.

MRX-dan verilən məlumata görə, İnci Abdullayevaya sağ saidin, Kahay Aslanovaya sağ dizin, Ramazan Məmmədova sağ əlin, Həbulla Canqayevya sol sarğının, Əfsanə Mustafayevaya isə sol kürəyin it dişləməsi xəsarəti diaqnozu qoyulub. Adları çəkilən şəxslərə xəstəxanada lazımi tibbi yardım göstərilib, quduzluq əleyhinə peyvənd edildikdən sonra ambulator müalicə almaq şərti ilə evə buraxılıblar.

MRX-dan o da bildirilib ki, son həftə ərazində rayonun yaşayış məntəqələrindən 30-a yaxın şəxs it dişləməsi xəsarəti ilə xəstəxanaya müraciət ediblər.