Gəncə şəhərində qardaşın bacısını hansı səbəbdən bıçaqladığı məlum olub. Lent.az-ın əldə etdiyi məlumata görə, Gəncə şəhər Kəpəz rayon sakini, 1981-ci il təvəllüdlü Lalə Əliyevanı bıçaqlayan qardaşı, 1986-cı il təvəllüdlü Tural Əliyev ruhi-əsəb xəstəsidir.
Araşdırmalar nəticəsində məlum olub ki, T.Əliyev bacısına məxsus olan 5 min rus rublunu götürüb. Dünən axşam saatlarında Lalə Əliyeva pulu qoyduğu yerdə tapa bilməyib. Qardaşı bildirib ki, pulu o götürüb və xərcləyib. Bundan sonra 33 yaşlı qadın özündən çıxıb və nəyin bahasına olursa olsun pulun yerinə qaytarılmasını tələb edib. Bacısının hərəkətinə əsəbiləşən Tural Əliyev isə bıçağa əl atıb.
Faktla bağlı araşdırmalar davam etdirilir.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
