Azərbaycanda qəbiristanlıqda <span style="color:red;">GÖRÜNMƏMİŞ OLAY : <span style="color:red;">70-dən çox məzar... - FOTOLAR  - YENİLƏNİB
02 aprel 2019 11:47 (UTC +04:00)

Azərbaycanda qəbiristanlıqda GÖRÜNMƏMİŞ OLAY: 70-dən çox məzar... - FOTOLAR - YENİLƏNİB

Aprelin 1-də Şəmkir rayonunun Keçili kəndinin bir qrup sakini DİN-in “102 Zəng Mərkəzi” Xidmətinə müraciət edərək martın 31-dən aprelin 1-nə keçən gecə kənd ərazisində yerləşən qəbristanlıqda naməlum şəxs və ya şəxslər tərəfindən  iki qəbir daşının yararsız hala salınması, 50-dən çox məzar daşının isə yaxınlığında olan  güldanlarının qırılmasını bildiriblər.

DİN Mətbuat Xidmətinin Gəncə regional qrupundan Lent.az-a verilən məlumata görə, dərhal Şəmkir Rayon Polis Şöbəsinin əməkdaşları tərəfindən keçirilən əməliyyat-axtarış tədbirləri nəticəsində hadisəni törətmiş Şəmkir rayon Keçili kənd sakini, 26 yaşlı Coşqun Nəcəfli saxlanılıb. 2010-cu ildən Şəmkir rayon Poliklinikasında epilepsiya, yəni tez-tez qıcolma tutmaları şəxsiyyətin dəyişməsi diaqnozu ilə qeydiyyatda olan C. Nəcəfli ilkin dindirilmə zamanı törətdiyi hadisəni etiraf edib.

Faktla bağlı araşdırmalar davam etdirilir.

 

 
 
 
***
 
10:36
 
Şəmkirdə olan qəbiristanlıqda cinayət törədən şəxs tutulub.
 
Lent.az-ın məlumatına görə, Şəmkir rayon sakini polisə müraciət edərək Keçili kənd qəbiristanlığında 70-ə yaxın qəbrin sındırılaraq yararsız hala salınmasını bildirib.
 
Polis əməkdaşlarının şikayət əsasında araşdırması nəticəsində kənd sakini hadisənin 1993-cü il təvəllüdlü Coşqun Nəcəfli tərəfindən törədilməsi məlum olub.
 
Müəyyən edilib ki, C.Nəcəfli martın 31-də günorta saatlarında kənd qəbiristanlığına gedərək orada olan iki ədəd qəbir daşını və 50 ədəd qəbir daşlarının üzərində bərkidilmiş mərmər materialından olan güldanları vurub sındırıb.
 
Kənd sakini həmçinin 7 ədəd  qəbrin baş daşına bərkidilmiş süni güllərin lentini kəsərək ətrafa səpələyib, qəbirlərin üzərinə düzülmüş qərənfilləri ətrafa dağıdıb.
 
Faktla bağlı araşdırma başlanıb. C.Nəcəfli polis tərəfindən saxlanılıb. Ona Cinayət Məcəlləsinin 245-ci (qəbir üzərində təhqiredici hərəkət) maddəsi ilə ittiham verilib.
# 1548
avatar

Səlcuq Elçin

Oxşar yazılar