12 yaşlı qıza qarşı əxlaqsızlıq etməkdə təqsirləndirilən direktor işdən çıxarılıb
01 noyabr 2017 17:57 (UTC +04:00)

12 yaşlı qıza qarşı əxlaqsızlıq etməkdə təqsirləndirilən direktor işdən çıxarılıb

Xaçmaz rayonu, Arzu qəsəbə tam orta məktəbinin direktoru, 1955-ci il təvəllüdlü Gülməz Alxasov vəzifəsindən müvəqqəti kənarlaşdırılıb.
 
Bu barədə APA-nın yerli bürosuna Xaçmaz rayon təhsil şöbəsinin məsləhətçisi Ağamirzə Əzimov bildirib. O deyib ki, hazırda direktorun vəzifəsini direktor müavini icra edir.
 
Məktəb direktoru yeniyetmə şagirdə qarşı seksual hərəkətlər etməkdə günahlandırılır.
 
Xaçmaz rayon Prokurorluğundan APA-ya bildirilib ki, faktla bağlı araşdırmalar davam etdirilir. Məktəb direktorunun məsələ ilə bağlı izahat alınması üçün prokurorluğa çağırılıb. 
 
Qeyd edək ki, həmin şəxsin 12 yaşlı qız şagirdə qarşı əxlaqsızlıq etdiyi iddia olunur.

 

15:33

 

Xaçmaz rayonunun Arzu kəndində məktəb direktorunun 12 yaşlı şagirdə qarşı seksual xarakterli hərəkətlər etməsi ilə bağlı polisdə araşdırma aparılır. Xaçmaz rayon Polis Şöbəsindən Lent.az-a bildirilib ki, məktəbin direktoru 62 yaşlı Gülfəz Alxasov barəsində 12 yaşlı qızın valideyni polisə müraciət edib. O, direktorun əxlaqsız hərəkət etdiyini və məsələyə hüquqi qiymət verilməsini xahiş edib.

 

Müraciət əsasında polis şöbəsinin təhqiqat bölməsində araşdırmalara başlanılıb.

 

Xaçmaz rayon Təhsil Şöbəsindən isə Lent.az-a bildirilib ki, direktor G.Alxasov işinin başındadır və fakta hüquqi qiymət verildikdən sonra onun karyerası barəsində qərar veriləcək.

 

Qeyd edək ki, hadisə barəsində ilk olaraq istipiress.az məlumat yayıb. Bildirilib ki, direktor 6-cı sinifdə oxuyan qızlardan birini kabinetinə çağırıb və onun dodağından öpüb. Bu hadisəni isə həmin an direktordan icazə almaq üçün onun kabinetinə gələn qadın işçilərdən biri görüb. Adı açıqlanmayan məktəbli qız bu hadisəni anasına danışıb. Kənddə xəbər yayılandan sonra hiddətlənmiş valideynlər məktəbin qarşısına yığışaraq direktora etiraz ediblər. Əldə edilən məlumata görə, qadınlar bu gün də məktəbə yığışıb və direktorun işdən getməsini tələb ediblər.

1 2 3 4 5 İDMAN XƏBƏRLƏRİ
# 234

Oxşar yazılar