Kürdəmir rayonunda intihar hadisəsi baş verib. Rayon Polis Şöbəsindən Lent.az-a verilən məlumata görə, Beyi kənd sakini, 1995-ci il təvəllüdlü Vəliyeva Faiqə Məmmədbağır qızı özünü yaşadığı evin həyətindəki tövlədə asıb. Yaxınları onu asılı vəziyyətdə tapıb və təcili olaraq Kürdəmir rayon Mərkəzi Xəstəxanasına çatdırıblar. Lakin həkimlərin səyinə baxmayaraq 18 yaşlı qızın həyatını xilas etmək mümkün olmayıb.
Yaxınlarının bildirdiyinə görə, F.Vəliyeva epilepsiya xəstəliyindən əziyyət çəkirmiş.
Oxşar hadisə Zaqatala rayonunda da baş verib. Zaqatala Rayon Prokurorluğundan APA-nın Şəki-Zaqatala bürosuna verilən məlumata görə, hadisə rayonun Danaçı kəndində baş verib. 1996-cı il təvəllüdlü Ayzanat Yusif qızı Mehdiyeva özünü yaşadığı evdə asaraq intihar edib.
Mehdiyevanın hansı səbəbdən intihar etməsi aparılacaq araşdırmalardan sonra məlum olacaq. Ayzanat Mehdiyeva Danaçı kənd orta məktəbinin 11-ci sinif şagirdi olub.
Hər iki faktla bağlı Cinayət Məcəlləsinin 125-ci (özünü öldürmə həddinə çatdırma) maddəsi ilə cinayət işi başlayıb, araşdırma aparılır.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
