Bir müddət əvvəl KİV-də yayılan avtoşluq videolarında adı hallanan Zaur Bağırov “Azəryolservis” ASC-də işdən çıxarılıb. Lent.az-ın Azadlıq qəzetinə istinadən verdiyi məlumata görə, Z.Bağırovun adı Aynar Məmmədovla birgə aeroport yolunda sürət yarışına çıxdığını əks etdirən videokadrlarla bağlı hallandırılırdı. Lakin daha sonra millət vəkili Elton Məmmədov bildirmişdi ki, oğlu Aynar Məmmədovun bu məsələyə aidiyyatı yoxdur. Onun sözlərinə görə, videokadrlarda əks olunan və Aynar Məmmədova məxsus olduğu bildirilən 10 LZ 100 dövlət nişanlı “Nissan Skyline GT-R35" markalı avtomobilin sahibi də başqa şəxsdir.
Mətbuatın apardığı araşdırma nəticəsində həmin avtomobilin Zaur Mətləb oğlu Bağırov adlı şəxsin adına olduğu üzə çıxmışdı. O da məlum olmuşdu ki, Zaur Bağırov “Azəryolservis”də işləyir.
“Azəryolservis” ASC-dən Zaur Bağırovun işdən azad edilməsini Lent.az-a təsdiqləyiblər.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
