(R) “DəmirBank” aprel ayının nəticələrini elan edib

“DəmirBank”ın aktivləri 1 may 2014-cü il tarixinə 405,7 mln. manat təşkil edib. Müştərilərə verilən kreditlərin həcmi isə bu dövr ərzində 31,7 mln. manat və ya 11,2% artaraq 313,8 mln. manatı keçib.

Bankda müştəri depozitlərinin həcmi 1 may 2014-cü il tarixinə 186,9 mln. manat olub. Əhalinin əmanətlərinin həcmi isə 1 may 2014-cü il tarixinə 164 mln. manat təşkil edib ki, hesabat dövrü ilə müqayisədə bu göstərici 20,6% və ya 28 mln. manat çoxdur.

Bankın 1 may 2014-cü il tarixinə məcmu kapitalı isə 61,7 mln. manat olub, bu isə Azərbaycan Respublikası Mərkəzi Bankının 1 yanvar 2015-ci il tarixinə bankların məcmu kapitalının 50 mln. manat olması tələbini üstələyir.

Ölkənin ilk kommersiya bankı olan “DəmirBank” 1989-cu ildə fəaliyyətə başlayıb. Bankın səhmdarları sırasına beynəlxalq maliyyə təşkilatları olan Avropa Yenidənqurma və İnkişaf Bankı və Hollandiya İnkişaf Maliyyə Şirkəti (FMO) daxildir. “DəmirBank” Fitch Ratings və Planet Rating agentliklərinin “pozitiv” proqnozlu “B” reytinqlərinə malikdir. Bu reytinqlər ölkənin bank sektorunda yüksək reytinqlər sırasındadır.