[b]Yeniyetməni soyan quldur tutuldu[/b]

Xətai rayonunda yeniyetməyə qarşı quldurluq edən şəxs saxlanılıb.

Daxili İşlər Nazirliyinin mətbuat xidmətindən Lent.az-a verilən xəbərə görə, hadisə Xətai rayonunun M.Rüstəmov küçəsində baş verib.

Məlumata əsasən aprelin 10-da saat 22:00 radələrində 14 yaşlı oğlanı bıçaqla hədələyərək quldurluq yolu ilə 100 manat pulunu alan şəxs həmin ərazidə xidmət aparan 34-cü Polis Şöbəsinin əməkdaşları tərəfindən saxlanılıb.

Polis əməkdaşları tərəfindən onun Bakı şəhər sakini İ.Yusifov olduğu müəyyən edilib.

Xətai RPİ-də araşdırma aparılır.