Bakıda soyğunçuluq əməli törətməkdə təqsirləndirilən 1992-ci il təvəllüdlü Xəqani Hümbətov barəsindəki cinayət işi üzrə məhkəmə prosesi başa çatıb. Lent.az-ın məlumatına görə, Bakı Ağır Cinayətlər Məhkəməsində hakim İradə Həsənzadənin sədrliyi ilə keçirilən prosesdə hökm oxunub. Hakimlər kollegiyasının qərarı ilə X.Hümbətov 9 il müddətinə azadlıqdan məhrum edilib.
Qeyd edək ki, X.Hümbətov Xətai rayonu ərazisində Şamxal İbadova qarşı quldurluq edib. O, bıçaqla Ş.İbadova hədə-qorxu gələrək onun 50 manat pulunu, mobil telefonunu və fotoaparatını alıb. X.Hümbətov bu əməlinə görə Cinayət Məcəlləsinin 181.2.5-ci (soyğunçuluq, silahla hədələməklə) maddəsi ilə ittiham edilib.
Onu da qeyd edək ki, X.Məmmədov daha əvvəl də oğurluq və quldurluğa görə məhkumluq həyatı yaşayıb.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
