«Bos Shelf»in rəhbərliyi tətil keçirən işçilərlə görüşdü

Azərbaycan Dövlət Neft Şirkətinə (ARDNŞ) məxsus «Bos Shelf» şirkətinin rəhbərliyi etiraz aksiyası keçirən işçilərlə görüşüb.

«Bos Şelf»in ictimaiyyətlə əlaqələr üzrə mütəxəssisi Zülfiyyə Şəmiyeva «APA-Economics»ə bildirib ki, hazırda şirkət rəhbərliyi ilə aksiya keçirən işçilərin görüşü keçirilir.

Qeyd edək ki, bu gün «Bos Shelf» şirkətinin 1000-dən çox işçisi əmək haqlarının azlığına etiraz olaraq tətil elan edib. İşçilərin digər tələbi onların tibbi sığorta olunması ilə bağlıdır.