Bir neçə gün öncə “lent.az”da Ağdamda çürüyən uşaqla bağlı yazı dərc olunub. Hadisədən bir gün sonra isə uşaöın atası infarkt keçirərək, dünyasını dəyişib.
Millət vəkili Qənirə Paşayeva bu uşaqla bağlı səhiyyə naziri Oqtay Şirəliyevə müraciət edəcəyini bildirib. Millət vəkili “facebook” səhifəsində yazıb: “14 yaşlı Akiflə bağlı yazını dünən axşam oxudum və bütün gecə demək olar ki, yata bilməmişəm. Gözümün qarşısından getmirdi onun “yardım edin” deyən gözləri. Ağdamda ön cəbhə bölgəsində yaşayan Akifin dərdinin əlacı olsa və ölkəmizdə kömək etmək imkanı olsaydı, dostlara da müraciət edib birlikdə ona kömək etməyə çalışardıq. Amma onun xəstəliyi yazılana görə nadir xəstəlikdir və müalicəsinin harada olub-olmaması da ciddi araşdırılmalıdır. Bir az əvvəl bir millət vəkili kimi səhiyyə naziri Oqtay Şirəliyevə rəsmi məktub yazdım, sabah müraciətlə bərabər cənab nazirlə danışaraq, Akifə kömək etməsi ilə bağlı xahiş edəcəyəm”.
Millət vəkili bildirib ki, mütəxəssislərin Akifin müalicəsi və sagalması imkanları ilə bağlı araşdırma aparacaqlarına inanır: “Belə bir ehtimal varsa ona dövlət tərəfindən mütləq kömək olacaq. Allah heç bir uşağı belə bir vəziyyətə düşürməsin! Allah heç bir valideynə belə ağrı yaşatmasın! Allah Akifə kömək olsun! Bütün dualarımız onunladır”.
Bizi Telegram-da izləyin
t.me/lent_az
Bizi Instagram-da izləyin
Bizi Facebook-da izləyin
Bizi Twitter-da izləyin
